Ministri i Mbrojtjes, Ejup Maqedonci, ka hedhur poshtë kritikat e deputetit të PDK-së, Hisen Berisha mbi cilësinë dhe mungesën e ushqimit për ushtarët e Forcës së Sigurisë së Kosovës (FSK). Gjatë seancës së Kuvendit ku po shqyrtohet , ministri theksoi se ushtarët po furnizohen rregullisht me tri shujta ushqimore të përditshme.
Ministri Maqedonci gjatë seancës ku po shqyrtohet në parim buxheti 2025, bëri të ditur se sot, për herë të parë, 1 mijë ushtarë të vendosur në Babaj të Bokës kanë shijuar biftek të klasit të parë, të përgatitur nga stafi i Ministrisë së Mbrojtjes dhe FSK-së.
Berisha, ka kritikuar Maqedoncin duke iu drejtuar se me projektin e vet-qëndrueshmërisë po eliminojnë projektin për një ushtri profesioniste, me rrezikun që ta ndalin si proces.
Maqedonci, ka shtuar se vet qëndrueshmëria është koncept i çdo ushtrie moderne e cila synon që varësinë nga operatorët ekonomik, ta transformojë në një kapacitet vetanak për të ngritur dhe përkrahur operacionalitetin e forcave të armatosura.
