Drejtori i Institutit Octopus, Agim Musliu, ka thënë sot se organizata terroriste serbe “Severna Brigada” është me seli në Beograd, duke vënë në pah se e njëjta po bënë “lojë” me lokacionin. Kjo duke aluduar në postimin e fundit të kësaj organizate, e cila qëllimshëm ka zgjedhur të paraqitet gjoja po poston në Facebook nga Graçanica.

Pas raportimeve të KosovaPress-it për një gjë të tillë, Musliu ka shkruar në Facebook se “kur organizatat frikësohen për zbulimin e lokacionit të tyre, lëshojë komunikata të rrejshme për shpërqendrim vëmendjeje”.

“Në kuadër të luftës hibride serbe ndaj Kosovës janë edhe kërcënimet që po i drejtojnë strukturat terroriste. Sapo u publikua një lajm se, organizata terroriste ‘Severna Brigada’ e ka bërë, duke u mundur t'ia zhvendos vëmendjen institucioneve të Kosovës. ‘Loja me lokacionin’ e postimit të armëve, gjoja se nga Graçanica. Kur organizatat frikësohen për zbulimin e lokacionit të tyre, ato lëshojnë komunikata të rrejshme për shpërqendrim vëmendjeje”, ka shkruar ai.

https://kosovapress.com/admin/kercenon-serish-severna-brigada-nga-gracanica-thone-se-jane-pajisur-me-armatim-te-ri/

Ai ka thënë se selia e kësaj organizate është në Beograd, tek presidenti i Serbisë, Aleksandër Vuçiq.

“Të gjithë e dijmë se postimet në rrjete sociale, mund ta vendosin lokacionin ku të duan. Ekziston kjo mundësi teknike. Të gjithë e dimë se selia e kësaj organizate terroriste është në Beograd - te Vuçiqi. Kurse, ‘zyrat’ e tyre të para janë në Kopaonik - te Radoiçiqi”, vijoi ai.