Sonte me fillim nga ora 18:30 stadiumi “Anfield Road” do të jetë nikoqir i ndeshjes tejet interesante mes Liverpoolit dhe Brentfordit, e vlefshme kjo për xhiron e 35 në Premier Ligë.

Në xhiron e fundit të zhvilluar, Liverpooli e mposhti Fulhamin 1:0, kurse Brentfordi shënoi fitore ndaj Nottingham Forestit me shifrat 2:1, raporton KosovaPress.

Momentalisht, Liverpooli zë vendin e pestë në tabelë në kuotën e 59 pikëve, krahas Brentfordit që renditet në vendin e nëntë me 50 pikë të arkëtuara.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Liverpoolin nuk do të paraqiten Bajcetic, Thiago, Firmino, Keita dhe Ramsay, kurse te Brentfordi do të mungojnë Jansson, Lewis-Potter dhe Norgaard.

Tanimë të dy trajnerët kanë vendosur për formacionet zyrtare, dhe ato i gjeni më poshtë.

Liverpool (4-3-3): Alisson: Alexander-Arnold, Van Dijk, Konate, Robertson; Fabinho, Jones, Gakpo; Salah, Jota, Nunez

Brentford (5-3-2): Raya; Hickey, Henry, Pinnock, Zanka, Mee; Jensen, Onyeka, Janelt; Toney, Mbeumo