Kanë përfunduar dy ndeshjet e sotme të Superligës së Kosovës, ku kemi rezultate tejet interesante.

Skuadra e Lirisë ka arritur ta regjistrojë vetëm fitoren e dytë të sezonit sot, pasi që e ka mposhtur me rezultat solid 2:0 Fushë Kosovën, raporton KosovaPress.

Golat e ndeshjes për Lirinë i shënuan Albo Gjumsi (minuta e 3’) dhe Ubong Ekpai (minuta e 30’).

Me pikët e reja, Liria ngjitet në kuotën e 14 pikëve në vendin e fundit, gjashtë sosh më pak se kundërshtari i sotëm, Fushë Kosova që zë vendin e nëntë me 20 pikë.

Ndërkaq, krahas kësaj ndeshj u zhvillua edhe përballja mes Feronikelit ’74 dhe Malishevës, ku kjo e fundit u befasua nga vendasit pasi u mposht 2:1.

Me pikët e reja, Feronikeli ’74 ngjitet në kuotën 34 pikëve në vendin e tetë, aq sa ka edhe Gjilani në vendin e shtatë.

Në anën tjetër, Malisheva renditet në vendin e katërt me 52 pikë.

Rezultatet finale:

Feronikeli ’74 2:1 Malisheva

Fushë Kosova 0:2 Liria