Një incident i rëndë është shënuar të dielën në Skenderaj, ku një i mitur ka pësuar lëndime pas shpërthimit të dy bombolave me gaz. Lajmi është konfirmuar sot në raportin 24 orësh të Policisë së Kosovës.

KosovaPress raportoi dje se, në Aqarevë, një 13-vjeçar ka mbetur i lënduar nga një shpërthim i dy bombolave të gazit.

Sipas policisë, dyshohet se është ndezur një zjarr dhe si rrjedhojë e saj kishte ndikuar në eksplodimin e dy bombolave gazi. Policia bën të ditur se viktima është dërguar në QKUK dhe pas trajtimit është liruar në shtëpi.

“Raportohet se i dyshuari m/k kishte ndezur një zjarr dhe nga zjarri kanë eksploduar dy bombola gazi. Si pasoj e shpërthimit një i mitur m/k ka pësuar lëndime trupore. Viktima është dërguar në QKUK dhe pas tretmanit është liruar në shtëpi. Me vendim të prokurorit pas intervistimit rasti vazhdon në procedurë të rregullt.

Mësohet se nga ky shpërthim, ka shkaktuar djegie në fytyrën e fëmijës.

Rasti po hetohet si shkaktim i rrezikut të përgjithshëm, ndërsa me vendim të prokurorit pas intervistimit rasti vazhdon në procedurë të rregullt.

/Kosovapress/