LDK kërkon auditim të plotë të sistemit të faturimit
Lajme
Lexohet për: 2 min.
Dëgjoje me zë...
LDK kërkon auditim të plotë të sistemit të faturimit
Lidhja Demokratike e Kosovës ka kërkuar hetim të pavarur dhe auditim të plotë të sistemit të faturimit, pasi sipas tyre mbi 87 për qind të njehsorëve elektrik të faturimit të KEDS-it e masin kohën gabimisht.
Shefja e grupit parlamentar të LDK-së, Jehona Lushaku, në seancën e sotme të Kuvendit, tha se për këto parregullsi duhet hetim penal, si dhe dorëheqje e bordit të ZRRE-së, si dhe ndërprerje të çdo diskutimi për rritjen e çmimit të energjisë elektrike.
“Në këto verifikime del se mbi 87 për qind të njehsorëve elektrik e masin kohën gabimisht, pra qytetarët janë mashtruar. Qeveria iu ka thënë kurseni rrymën, shpenzoni në orët e natës, ndërkaq orët kanë keqllogaritur. Kjo është e vërteta e hidhur. Këtu lindin shumë pyetje. Si është e mundur që një problem i tillë kaq i përhapur dhe ministria të mos ketë vepruar me kohë... LDK kërkon sot shumë qartë hetim të pavarur dhe auditim të plotë të sistemit të faturimit. Dorëheqje të bordit të ZRRE-së, kompensim të qytetarëve për çdo cent të marrë padrejtësisht, ndërprerje të menjëhershme të çdo diskutimi për rritje të çmimit të energjisë dhe hetim penal”, tha ajo./KosovaPress/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
