Dalja e parë UÇK-së në Drenoc ishte një akt i madh guximi e trimërie, tha kryetari i Rahovecit, Smajl Latifi. Sipas tij, djemtë e kësaj ane u bashkuan me jehonën e pushkëve të lirisë më 26 prill 1998 në Drenocin historik.

Kështu u shpreh ai në manifestimin qendror të daljes publike të UÇK-së në Zonën Operative të Pashtrikut. Në këtë manifestim u përmendën edhe ish-krerët e UÇK-së, të cilët po gjykohen padrejtësisht në Hagë. Në fjalën e tij para të pranishmëve, kryetari i Rahovecit Smajl Latifi tha se kontributi i UÇK-së do të jetojë brez pas brezi. Kryetari Latifi ka përgëzuar djemtë e burrat që morën guximin për t’iu kundërvënë armikut. Në këtë manifestim, u përmendën edhe ish-krerët e UÇK-së të cilët po gjykohen në Hagë. Një nga themeluesit e Ushtrisë Çlirimtare të Kosovës, Nait Hasani theksoi se historia do të dëshmojë se lufta e shqiptarëve ka qenë e drejtë dhe e pastër. Jusuf Gashi, i cili vetë ishte pjesë e këtij njësiti tregoi për vendosmërinë që kishin për në luftën çlirimin e vendit. Më 26 prill është dalja e parë e UÇK-së në Drenoc të Zatriqit, në Zonën Operative të Pashtrikut. /Sh.Pajaziti