Ministria e Administrimit të Pushtetit Lokal ka lansuar shërbimin e-Komuna, si pjesë e platformës shtetërore e-Kosova. Kjo platformë do të përmirësojë transparencën dhe llogaridhënien brenda administratave tona komunale, tha kryeminisadministratatri Albin Kurti. Për më tepër, ai u shpreh se këto shërbime do të mundësojnë që qytetari të jetë më aktiv në procesin e vendimmarrjes.

Shefi i ekzekutivit u shpreh se transformimi digjital është shtytës kyç për qeverisje transparente dhe efikase. Në rrugëtimin ndaj digjitalizimit, Kurti shtoi se asnjë qytetar nuk duhet të mbetet prapa.

Sipas tij, kjo platformë do të përmirësojë transparencën dhe llogaridhënien brenda administratave komunale.

Ministri i Administrimit të Pushtetit Lokal, Elbert Krasniqi tha se qëllim kanë fuqizimin dhe mbështetjen e komunave dhe krijimin e mundësive për të ofruar shërbime efikase për qytetarët.

Në fazën e dytë, Krasniqi shtoi se do të përfshihen edhe shërbime të tjera dhe module shtesë.

Edhe zëvendësministri i Punëve të Brendshme, Bardhyl Dobra theksoi se përmes zhvillimit të këtyre shërbimeve do të rritet transparenca dhe llogaridhënia e institucioneve.

Në prezantimin e këtyre shërbimeve u tha se do të jenë të qasshme përmes platformës shtetërore e-Kosova me qëllim të lehtësimit për të gjithë qytetarët.