Trajneri i kombëtares spanjolle, David de la Fuente, ka vendosur në formacion sulmuesin e Barcelonës, Lamine Yamal, i cili do të bëhet kështu lojtari më i ri që ka luajtur në kampionatet evropiane.

Yamal sot është 16 vjeç e 338 ditë dhe me paraqitjen e tij ndaj Kroacisë do të thyejë rekordin trevjeçar të vendosur nga polaku Kacper Kozlowski në Euro 2020. Më pas ai luajti kundër Spanjës në moshën 17-vjeç e 246 ditë.

Yamal kaloi nëpër akademinë e Barcelonës, të famshmen La Masia, ndërsa deri më tani ka grumbulluar 51 paraqitje, shtatë gola dhe dhjetë asistime për ekipin e parë. Ai konsiderohet si një nga talentet më të mëdhenj në botë dhe me klubin katalanas ka kontratë deri në verën e vitit 2026. Transfermarkt vlerëson vlerën e tij në 90 milionë euro.

Kroacia dhe Spanja do të luajnë ndeshjen e parë të Grupit B të Kampionatit Evropian në stadiumin Olimpik të Berlinit nga ora 18:00.