Lajçak: Duam përparim më të madh në dialog, ditëve në vijim do të ketë takim të kryenegciatorëve
Lexohet për: 2 min.
9 muaj më parë
Linku u kopjua
Përfaqësuesi special i Bashkimit Evropian për dialogun Kosovë-Serbi, Miroslav Lajçak, ka thënë se do të dëshironin të shohin përparim më të madh në zbatimin e marrëveshjes së Brukselit dhe të Ohrit.
Lajçak pas takimit me zëvendëskryeministrin, Besnik Bislimi, tha se kjo marrëveshje, e cila ditë më parë ka bërë njw vit nga nënshkrimi është ujdia më e mirë që Kosova dhe Serbia mund të arrijnë. Sipas tij, arsyeja pse ka ngecje në zbatimin e saj është se dy palët kanë frikë siç tha “nëse bëj atë që iu kërkoni, a do të marrë atë që më premtoni”.
Lajçak para gazetarëve tha se me Bislimin kanë diskutuar edhe për rregulloren e BQK-së, ku ndalohet përdorimi i dinarit në Kosovë, për të cilën tha se ka marrë përgjigje për pyetjet e shumta që ka bërë, por që duhet të sigurohen që qytetarët serb në Kosovë të mos ndikohen negativisht nga ky vend.
Madje, ai paralajmëroi se ditëve në vijim do të ketë takim të nivelit të kryenegociatorëve në Bruksel.
Gjithashtu, Lajçak tha se kanë diskutuar edhe në lidhje me draft-statutin e Asociacionit, propozuar nga euro-amerikanët, derisa theksoi se është në interesin e të gjithëve që të ketë progres të shpejtë në dialogun Kosovë-Serbi.
