Laboratori i drogës në “Bregun e Diellit” në Prishtinë, arrestohen dy persona
Lajme
Lexohet për: 2 min.
1 muaj më parë
Linku u kopjua
Antidroga e Policisë së Kosovës dhe Drejtoria për Hetimin e Trafikimit me Narkotik, pas një hetimi dhjetëmujor, në bodrumin e një banese në lagjen “Bregu i Diellit”, rruga “Hyzri Talla”, mbrëmë rreth orës 21:50, është gjetur një laborator i drogës.
Gjatë kontrollit është gjetur një sasi droge e llojeve heroinë dhe kokainë dhe mjete pune për përpunimin e substancave narkotike, si dhe një sasi droge në gjendje të ngurtë prej rreth 7 kilogramë.
Prokurori në Departamentin e krimeve të rënda pranë Prokurorisë Themelore në Prishtinë, Bashkim Zeqaj ka thënë se ky aksion ka rrjedhur si rezultat i një hetimi të cilin e kanë pasur në vazhdimësi nga ana e prokurorisë dhe policisë dhe si rezultat janë arrestuar dy persona.
Ai shtoi se do ta vazhdojnë hetimin e rastit për personat e mundshëm që ndërlidhen me këtë rast.
Ndërsa, drejtori i Antidrogës, Reshat Murseli ka thënë për KosovaPress, se dy të dyshuarit janë arrestuar në vendin e ngjarjes dhe se është sekuestruar edhe makina për transportimin e drogës, si dhe mjete të tjera.
Lidhur me rastin ka reaguar edhe ministri i Punëve të Brendshme, Xhelal Sveçla.