Mot kryesisht me diell pritet të mbajë në dy ditët e fundit të kësaj jave, por qytetarët duhet të shmangin kontaktin me diellin për shkak të indeksit ultravjollcë të lartë, sipas Institutit Hidrometeorologjik të Kosovës.

Të shtunën parashihet mot kryesisht me diell. Temperaturat minimale do të lëvizin ndërmjet 9-12 gradë Celsius, ndërsa maksimalet ndërmjet 28-32 gradë Celsius. Do të fryjë erë e lehtë nga drejtimi i juglindjes.

Ditën e diel do të mbajë mot me diell. Vranësira të mesme parashihen përreth relievit malor. Temperaturat minimale do të lëvizin ndërmjet 10-14 gradë Celsius, ndërsa maksimalet ndërmjet 30-34 gradë Celsius. Do të fryjë erë e lehtë deri mesatare nga drejtimi i juglindjes dhe verilindjes e lehtë deri mesatare.

Kushtet biometeorologjike nuk do të jenë të mira për një shtresë të popullatës me sëmundje kronike. Preferohet respektimi i udhëzimeve të Institutit Kombëtar të Shëndetit Publik. Kujdes kontaktit direkt me rrezet e diellit për shkak të indeksit ultravjollcë të lartë.

•