Kuvendi miraton në lexim të parë Projektligjin për skemat pensionale
Lexohet për: 2 min.
1 vit më parë
Linku u kopjua
Kuvendi i Kosovës ka miratuar në lexim të parë Projektligjin për skemat pensionale të financuara nga shteti. Për këtë projektligj votuan 76 deputetë, përfshirë edhe nga dy partitë opozitare, LDK dhe AAK, megjithëse shprehën shqetësime se në këtë projektligj ka dispozita diskriminuese për punëtorët e viteve ‘90-ta që janë larguar nga puna në mënyrë të dhunshme.
Deputeti i PDK-së, Hisen Berisha, tha se Projektligji për skemat pensionale nuk është sjell në Kuvend sipas obligimeve që rrjedhin pas vendimit të Gjykatës Kushtetuese.
Kritike u shpreh edhe deputetjae LDK-së, Hykmete Bajrami, e cila tha se prap ka kushte për ata që nuk e arrijnë nivelin prej 15 vjetësh përvojë pune.
Në linjë të njëjtë u shpreh edhe deputeti i AAK-së, Shemsedin Dreshaj.
Por ministri i Financave, Punës dhe Transfereve, Hekuran Murati, e tha të kundërtën e deputetëve.
Sipas tij përmes të njëjtit, rregullohet diskriminimi për pensione që u është bërë personave të larguar dhunshëm nga puna në vitet e 90’ta.
Krahas kësaj, Kuvendi me mocion votoi që në orën 19:00 në seancë të jashtëzakonshme të shqyrtohet në lexim të dytë projektligji për plotësim-ndryshimin e skemave pensionale të financuara nga shteti.
