Kusari-Lila: Reagimet e miqve dhe partnerëve nuk kanë të bëjnë me orientimin e shtetit tonë
Lexohet për: 1 min.
11 muaj më parë
Linku u kopjua
Shefja e Grupit Parlamentar të Lëvizjes Vetëvendosje, Mimoza Kusari - Lila, ka thënë se Kosova asnjëherë nuk ka devijuar nga orientimi paqësor dhe rreshtimi në vlerat demokratike.
Sipas saj, reagimet e miqve dhe partnerëve ndërkombëtar për çështjen e dinarit nuk ka të bëjë me orientimin e shtetit, por vetëm me shqetësimin për mirëqenien e komunitetit serb në Kosovë. Por, siç, tha ajo në Kosovë mbi 20 mijë qytetarë të komunitetit serb marrin pensionet në valutën euro dhe se nuk është ndaluar qarkullimi i dinarit, por thjesht ajo do të përdoret njësojë sikur valutat të tjera të huaja në Kosovë.
Shefja e deputetëve të LVV-së, në seancën e sotme të Kuvendit, tha se plani i veprimit të BQK-së për zbatimin e rregullores së saj nuk ka asnjë masë ndëshkuese, por parasheh vetëm lehtësim të hapjes së xhirollogarive të reja për komunitetin serb në Kosovë dhe vendosjen e bankomatëve në veri.
