Kurti nuk i shkon në takim presidentes, Osmani: Mund ta pyesni atë, supozoj se është në zyrë
Lajme
Lexohet për: 2 min.
2 muaj më parë
Linku u kopjua

Presidentja e Kosovës, Vjosa Osmani, pas takimit konsultativ me liderët e partive politike për caktimin e datës së zgjedhjeve, tha se brenda pak ditëve do të shpallë datën e zgjedhjeve të rregullta. Në një konferencë për media, pas takimit, Osmani tha se datat për zgjedhje në bazë të ligjit janë mes 26 janarit, 2 shkurt, 9 shkurt dhe 16 shkurt 2025.

Sipas Vjosa Osmanit, partitë kishin preferenca të ndryshme brenda këtyre datave.

Duke folur për mungesën e kryetarit të LVV-së, Albin Kurti, njëherësh kryeministrit të vendit, ajo shtoi se nuk i di arsyet e një veprimi të tillë.

Osmani, tha se duke qenë se prezentë ishin të gjithë kryetarët e partive politike, nuk ka dashur të thyejnë këtë parim, pavarësisht kërkesës për të qenë prezentë nënkryetari Glauk Konjufca.

“Unë nuk e kam pa që dikush e ka quajtur bojkot, për mospjesëmarrjen e kryetarit të LVV në këtë rast edhe pse siç e dini të gjithë partitë kanë qenë të ftuara në nivel të kryetarëve të partive dhe nënkryetari i LVV-së, Glauk Konjufca dhe kryetari i Kuvendit ka shprehur gatishmëri të plotë që të vij sot në takim. Kryetari i LVV nuk ka qenë prezent, ne nuk i dimë arsyet, besoj mund ta pyesni atë drejtpërdrejt, po supozoj që është në zyrë, kështu që mund të shkoni dhe ta pyesni”, ka shtuar Vjosa Osmani.  

E para e vendit, Vjosa Osmani shtoi se caktimi i datës së zgjedhjeve të rregullta nuk nënkupton se nuk mundet të ketë zgjedhje të parakohshme, por theksoi se për një gjë të tillë nuk pa disponim nga partitë politike.

Vetëvendosje dhe Lista Serbe, nuk morën pjesë në takim.

https://kosovapress.com/osmani-tregon-propozimet-e-partive-politike-per-caktimin-e-dates-se-zgjedhjeve

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024