Kryeministri Albin Kurti ka dënuar vrasjen e 21-vjeçares sot në Ferizaj duke thënë se drejtësia duhet të veprojë pa vonesa. Ai në një postim në Facebook ka thënë se nuk ka arsye të priten të dihen detajet e vrasjes. “E dënojmë ashpër këtë krim që po përsëritet. Edhe një grua e vrarë mizorisht nga tyta e armës që ekzekuton nga afërsia. Një grua e Kosovës e vrarë nga një vrasës burrë. Zemërimi dhe neveria bëjnë garë përbrenda secilit qytetar të Kosovës sot. Qytetarja e shtetit tonë të pavarur në Qendrën për Punë Sociale në Ferizaj u qëllua për vdekje,” ka shkruar ai.