Trajneri i xhudos Driton Kuka ka bërë thirrje që t’iu jepet më shumë vëmendje sukseseve të mëdha të sportistëve të Kosovës nëpër botë, e jo sportreve që ofrojnë vetëm shou.

Ai ka shkruar në Facebook për suksesin e pak javë më parë të xhudistes Laura Fazliu në Mastersin e Budapestit.

Kuka ndër të tjera ka thënë se “trumbetimi i sukseseve pa asnjë vlerë po ngreh kokën prapë në Kosovë e në fakt Olimpiada po vjen e Normat Olimpike s’po shihen në sfond”.

Ja postimi i plotë i tij:

Për një javë të mbarë …

Gëzimi i medaljes së artë në finalen e Masters javë më parë në Budapest Hungari!

Protagoniste një sportiste që u ngjit në kulmin Botëror, Laura Fazliu pas kësaj gare kryeson Ranglistën Olimpike

Kategoria 63 kg

Përderisa Laura dha shumë intervista për Media të fuqishme Botërore, në Kosovë mediat si duket ishin në pushime verore

me përjashtime kuptohet!

Trumbetimi i sukseseve pa asnjë vlerë po ngreh kokën prapë në Kosovë e në fakt Olimpiada po vjen e Normat Olimpike s’po shihen në sfond

Sporti serioz rrit imazhin e shtetit e jo garat shou e mashtrimet që s’po na ndahen në Kosovën tonë tash e 24 vjet pas çlirimit!