Kryetari i Shtërpcës me bashkëshorte të “fortë”, merr 168 mijë euro në vit nga Serbia
Kryetari i Komunës Komuna e Shtërpcës, Dalibor Jevtiq duket që investimet kryesore në pronë i ka në Serbi, ndërsa brenda vitit në Kosovë merr 15,517 euro. Megjithatë, ajo çka vërehet janë të ardhurat e bashkëshortes së tij, të cilat përveç 3500 euro që i merr në Kosovë, merr edhe 168 mijë euro në vit nga Serbia.
Jevetiq ka deklaruar në Agjencinë Kundër Korrupsion për vitin 2022, një shtëpi në Serbi në vlerë 200 mijë euro, tokë 9.800 euro, tokë 1000 euro, tokë 150 euro, tokë 250 euro, tokë 1000 euro, shtëpi 45 mijë euro.
Kurse, si të ardhura vjetori, ai ka deklaruar pagën si kryetar komune në vlerë 14,593 euro, por edhe 753 euro për udhëtime jashtë vendit dhe 171 euro që merr pjesë në komisione.
E bashkëshortja e tij merr pagë personale në Kosovë 3,500 euro. Ndërsa, nga Serbia, si të ardhura personale, kanë deklaruar 168 mijë euro.
