Kriza e buxhetit në Gjilan, Hyseni ngre alarmin për bllokimin e 2.5 milionë eurove
Lexohet për: 1 min.
5 muaj më parë
Linku u kopjua
2.5 milionë euro rrezikohet t’i humb Komuna e Gjilanit për shkak të bllokimit të të hyrave vetanake nga Kuvendi komunal. Kështu ka deklaruar i pari i kësaj komune, Alban Hyseni.
Në një intervistë për KosovaPress, ai thotë se ende vazhdojnë të përballen me sfida të trashëguara nga qeverisjet e kaluara, derisa shton se duhet të votohet bartja e buxhetit, në të kundërtën këto fonde nuk mund të shpenzohen për të mirën e qytetarëve.
Hyseni gjithashtu theksoi sfidat e shumta me të cilat përballet kjo komunë, përfshirë borxhet e trashëguara dhe problemet me implementimin e projekteve të mëparshme.
Megjithatë, Hyseni thotë ka edhe rezultate të shumta të cilat mund të maten në këtë komunë, derisa tregon për punën që kanë bërë prej marrjes së mandatit.
Ndërkaq, sa i përket bashkëpunimit me qeverinë, ai shprehet se janë të kënaqur.
