Kriza e banesave në Gjermani: Numri i apartamenteve do të jetë gjysma e objektivit të qeverisë
Numri i lejeve për ndërtimin e njësive të banimit në Gjermani ka rënë ndjeshëm edhe në shtator, sipas të dhënave të zyrës së statistikave, e cila njoftoi rreth gjysmën e numrit të apartamenteve të reja për këtë vit nga sa kishte planifikuar qeveria.
Në shtator, autoritetet miratuan ndërtimin e 19.300 njësive të reja banimi, 29.7 për qind më pak se në të njëjtin muaj të vitit të kaluar, njoftoi Destatis.
Në gusht, numri i lejeve ishte 31.6 për qind më i ulët se vitin e kaluar.
Gjermania në telashe, gjithnjë e më pak apartamente po ndërtohen - KosovaPress
Në nëntë muajt e parë të këtij viti është miratuar ndërtimi i 195.100 banesave të reja, 28.3 për qind më pak se në të njëjtën periudhë të vitit të kaluar.
Shifra tregon se numri i apartamenteve të reja këtë vit mund të jetë afërsisht gjysma e planit të qeverisë prej 400 mijë njësi të reja banimi, të cilat duhet të zgjidhin problemin e mungesës së banesave.
Pavarësisht kërkesës së madhe, më pak apartamente po ndërtohen, ndoshta për shkak të kushteve të pafavorshme të financimit pas rritjes së normave të interesit dhe kostove të larta të ndërtimit, të cilat ishin 6.4 për qind më të larta në gusht se në të njëjtin muaj të vitit të kaluar, vlerësojnë statisticienët.
Gjermania me kushte strikte: Shumë njerëz jetojnë në kurriz të shtetit, duhet të punojnë - KosovaPress
