Boksieri kosovar Robin Haxhi Krasniqi ka vizituar sot familjen Jashari në Prekaz për të cilin ka thënë se është vendi ku gjaku solli lirinë e Kosovës.

Krasniqi ka shtuar se Prekazi është vendi i frymëzimit për brezat e ardhshëm, përcjellë KosovaPress.

“Sot ishim në Prekazin e Adem Jasharit, në Prekazin e Ahmet Delisë e Tahir Mehes, ishim aty ku gjaku solli lirin, ku jeta nuk vlen asgjë pa lirin e atdheut. Ishim në vendin e frymëzimit që të mësohen brezat e ardhshëm se si luftohet e sakrifikohet për atdheun, dhimbjen dhe lotin tonë e lante mikpritja e Bacës së Shqiptarisë të madhit Rifat Jashari i cili na priti e na përcolli si Mic Sokoli i cili nuk i lëvizte qerpiku edhe pse nga dritarja e tij e kullës shihej një lendinë varre. Zoti e bekoftë familjen Jashari, Bacën tonë Rifatin dhe gjithë Shqiptarinë!”, ka shkruar ai në “Facebook”.