Krasniqi: Themelet i kam këtu, shqiptarët nuk bëjnë hapa prapa
Lexohet për: 5 min.
1 vit më parë
Linku u kopjua
Fitorja ndaj Timur Nikarkhoevin shënoi rikthimin e fuqishëm të Robin Haxhi Krasniqit në ringun e boksit ndaj të cilit triumfoi me nokaut pas vetëm pesë raundeve të luftën e zhvilluara në Mynih të Gjermanisë.
Një javë pas këtij suksesi, Krasniqi ka zgjedhur Kosovën për të folur për arritjet e tij dhe në një konferencë për media deklaro se sukseset e boksierëve shqiptar në Gjermani ishin treguesi më i mirë i sjelljes dhe kulturës sonë duke treguar edhe se prej nga vijmë.
“Ka qenë një sukses shumë i madh ku anë e mbanë botës ka marrë jehonë edhe një jehonë shumë të mirë, një jehonë që kemi treguar një mentalitet ose kulturën tonë që jemi njerëz punëtorë, jemi njerëz të suksesshëm dhe kjo më ka bërë që automatikisht ta preki edhe një fitore tjetër sepse gjithmonë është normal që jetojmë dhe veprojmë në Gjermani, por është një obligim që të veprojmë me sjellje të mira që ta tregojmë kulturën se prej nga vijmë.”, tha Krasniqi.
Ai shtoi më tutje se pas këtij organizimi dhe suksesi të madh, po planifikon të boksojë edhe për pesë vitet e ardhshme, ani pse kishte menduar që pensionimi të ndodhet pak më herët.
“Ka qenë një ndjenjë shumë e mirë, sidomos pas një viti e gjysëm të kthehem aty ku e kemi lënë vetëm edhe më i fortë, të kthehem me një fitore ka qenë me të vërtetë kënaqësi e madhe. Jemi duke e shijuar çdo ditë, çdo moment edhe është kthyer vullneti shumë fuqishëm. Një kohë kam menduar, thosha po boksoj edhe dy vite, por Burimi na i ka ndezur të gjitha sinjalet edhe po e shoh që janë edhe pesë vite të forta përpara.”, shtoi Krasniqi.
Madje ai shtoi se në luftërat e tij, është gjaku i shqiptari ai që e motivon për të arritur sa më shumë suksese.
“Në të gjitha luftërat ka pasur momente që i kam përdorur edhe emocionet edhe karakterin dhe zemrën do të thotë që themelet e mia janë në Junik. Do të thotë gjithmonë kur kemi nevojë për atë alarmin kryesor që duhet të ndizet është normal që jemi shqiptarë dhe e kemi atë që nuk shkojmë një hap prapa. Por, prapë se prapë, ringu është diçka që duhet pasur një mençuri të madhe sepse është diçka që aty kur ngutesh aty mund të gabosh shumë.”, theksoi Krasniqi.
I suksesshëm në natën e Mynihut ishte edhe boksioeri tjetër shqiptar, Shefat Isufi i cili tha se në natën e asaj lufte nuk ishte me shëndet të plotë, por që dha maksimumin dhe ia doli ta mbrojë titullin WBF.
“Për mua ka qenë një natë e veçantë sepse për herë të parë në Mynhen ku edhe e fillova boksin profesionist të boksoj para tifozëve aq shumë sa ka pasur shqiptarë nuk e kisha marr me mend kurrë se ka aq shumë shqiptarë që bëhen bashkë për të na përkrahur ne të gjithëve që boksuam atë natë. Ka qenë një natë e veçantë, unë desha të prezantohem më së miri në atë natë, me fitore siç edhe e kemi bërë të gjithë shqiptarët që boksuam atë natë. Kjo për ne është një natë e veçantë ka qenë. Unë ka dhënë maksimumin nga vetja edhe pse në atë ditë kam qenë me grip, pa qef, po prapë se prapë kam dhënë më të mirën prej vetes dhe titulli që na takon ne në versionin WBF mbeti tek ne.”, tha Isufi.
Ndërsa organizatori i gjithë asaj mbërmjeje të boksit në Gjermani, Burim Hazrolli tha se nuk dotë ndalen këtu, por do të ketë edhe organizime të tjera, derisa shtoi se shqiptarët në Gjermani do të karrin suksese të mëdha.
“Me boksin në Gjermani është duke ndodhur një ëndërr e shumë boksierëve të ri ose në të ardhmen që do të boksojnë se me të vërtët i ka hipur një faëm, një fuqi ku për shumë boksierë një e ardhme do të jetë shumë e mirë, për shqiptarët edhe më e mirë. Mbështetjen time boksierët shqiptarë do ta kenë. Ne nuk do të ndalemi me kaq, ne do të kthemi edhe më të fuqishëm, do t’i tregojmë evropës që edhe ne kosovarët jemi evropian edhe ne kemi fuqinë tonë kur jemi të përbashkët dhe do t’i dalim çdo problemi ose fitoreje përballë”, tha Hazrolli.
Luftën e radhës, Krasniqi pritet që ta zhvillojë gjatë këtij viti, por që ende nuk është zbuluar kundërshtari i tij.
