Krasniqi: Grupi shumetnik është gati që me LVV-në ta formojë qeverinë
Lajme
Lexohet për: 2 min.
Dëgjoje me zë...
Krasniqi: Grupi shumetnik është gati që me LVV-në ta formojë qeverinë
Kryetari i Iniciativës së Re Demokratike të Kosovës, IRDK, Elbert Krasniqi, ka thënë se grupi shumetnik është i gatshëm që sa më parë, me partinë fituese të zgjedhjeve, Lëvizjen Vetëvendosje, t’i formojnë institucionet.
Duke folur pas mbledhjes së qeverisë, si ministër në detyrë i Administrimit dhe Pushtetit Lokal, ai tha se zgjedhjet prodhuan rezultat të përafërt me ato të kaluarat, dhe se, sipas tij, qytetarët tash presin formimin e institucioneve.
“Grupi multietnik që është i përbërë prej tetë apo nëntë deputetëve janë të gatshëm që sa më parë, bashkë me fituesin e zgjedhjeve të formojnë institucionet. Zgjedhjet u mbajtën, ato prodhuan një rezultat që është përafërsisht i njëjti me rezultatin e kaluar. Qytetarët presin që sa më parë të kemi institucione, sa më parë të kemi qeverinë e re, kuvendin funksional por edhe ta kalojmë krizën e zgjedhjes së presidentit. Qytetari ka folur dhe besoj se edhe partitë tash duhet të reflektojnë në raport me fjalën e qytetarit”, tha Krasniqi, raporton KosovaPress.
Në zgjedhjet e fundit, Lëvizja Vetëvendosje ka dalë partia fituese me 47.13%, e pasuar nga PDK-ja me 19.44%, pastaj nga LDK-ja me 16.69% dhe AAK-ja me 6.74%.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
