Këshilli Prokurorial i Kosovës ka caktuar ushtrues të detyrës së kryeprokurorit të Prizrenit, Petrit Kryeziun. Në mbledhjen e sotme është miratuar kërkesa për dorëheqje nga kjo pozitë e prokurorit Admir Shala, i cili ka bërë kërkesë që të kthehet në punë në Prokurorinë Speciale.

Kryesuesi i Këshillit Prokurorial të Kosovës, Ardian Hajdaraj tha se kërkesa për dorëheqje është ofruar në fillim të muajit gusht.

Ushtruesi i detyrës së kryeprokurorit të Prokurorisë Themelore, Besim Kelmendi ka propozuar që Petrit Kryeziu të jetë ushtrues detyre i kryeprokurorit në Prizrne.

Këshilli Prokurorial i Kosovës ka vazhduar mbledhjen me pika të tjera të rendit të ditës.