Kontigjenti i Forcave të Armatosura Bullgare certifikohet për pjesëmarrje në misionin e NATO-s në Kosovë
Një kontigjent i Forcave të Armatosura Bullgare është certifikuar për të marrë pjesë në operacionin paqeruajtës të udhëhequr nga NATO në Kosovë, KFOR, tha të enjten Ministria e Mbrojtjes e Bullgarisë.
Aftësitë luftarake të kontingjentit u vlerësuan nga një komitet i Komandës së Forcave të Përbashkëta dhe Forcave Tokësore gjatë një stërvitje taktike të mbajtur në Zonën e Stërvitjes Koren, Rajoni i Haskovës (Bullgaria Jugore).
Kontingjeti përbëhet kryesisht nga ushtarakë të Regjimentit të 4-të të Artilerisë. Ai përfshin gjithashtu personel shërbimi nga Regjimenti 101 Alpin dhe Regjimenti 110 i Logjistikës i Forcave Tokësore, si dhe personel shërbimi nga Sistemi i Komunikimit dhe Informacionit Mobile të Komandës së Forcave të Bashkuara.
Majori Milen Zlatev i Regjimentit të IV-të të Artilerisë është komandant i elementit mbështetës kombëtar dhe ndihmës komandant kombëtar i kontingjentit. Komandant i kompanisë së manovrimit është kapiteni Kalojan Dimitrov i Regjimentit të IV-të të Artilerisë, thuhet në njoftimin për media të Ministrisë./BTA
