Ky simbol i propozuar nga Qendra “Gjenocidi në Kosovë - Plagë e hapur”, që bart ngjyrat e flamurit kombëtar të shqiptarëve, përmes katër petaleve, paraqet format e katër akteve gjenocidare që Serbia i zbatoi gjatë luftës në Kosovë: vrasjet (mbi dhjetë mijë shqiptarë të vrarë të të gjitha moshave); dhuna seksuale (mbi njëzet mijë viktima të dhunës seksuale); spastrimi etnik (rreth një milion viktima të spastrimit etnik); e shkatërrimi i venbanimeve dhe objekteve të shqiptarëve.

“Andaj, në prag të 15 Janarit, Ditës së përkujtimit të gjenocidit ndaj shqiptarëve në Kosovë, përmes kësaj deklarate, profesorët dhe i gjithë stafi i Kolegjit AAB e mbështesin nismën dhe ftojnë institucionet e Republikës së Kosovës që të miratojnë lulëkuqen si simbol zyrtar e shenjë identifikuese për kujtimin e gjenocidit të Serbisë ndaj shqiptarëve në Kosovë. Ky simbol duhet të shërbejë si shenjë unike për të mbajtur gjallë kujtesën tonë kolektive e për të mos harruar asnjëherë!”, thuhet në njoftimin e Kolegjit AAB.