Trajneri i Liverpoolit, Jurgen Klopp ka kërkuar që ndeshja kundër Tottenhamit të luhet sërish.

Kjo kërkesë e Klopp vjen pasi që Liverpooli u dëmtua në vikend në ndeshjen ndaj Tottenham, në të cilën “Të Kuqtë” u mposhtën 2:1, raporton KosovaPress.

Njëri nga incidentet e asaj ndeshje ishte edhe goli i anuluar nga VAR-i i Luis Diaz, edhe pse ky i fundit qartazi ishte në pozitë të rregullt dhe jo në pozitë jashtë loje.

Liverpooli më pas kërkoi edhe audio-incizimet mes gjyqtarëve dhe VAR-it, të cilat u publikuan dhe u pa qartazi që skuadra e Klopp ishte dëmtuar qëllimisht.

Tani, Klopp ka kërkuar që kjo ndeshje të përsëritet e të zhvillohet sërish.

“Po e them si njeri i futbollit: Unë mendoj se e vetmja zgjidhje është që ndeshja të përsëritet, është vendimi më i drejtë. Sigurisht që nuk do të ndodhë. Mendoj se është kaq e paprecedentë sa nuk ka ndodhur më parë, nuk më kujtohet të ketë ndodhur diçka e tillë, përsëritje do të ishte e drejtë”, tha Klopp.

Po ashtu, gjatë asaj ndeshje Liverpooli humbi edhe dy lojtarë në fushë, pas ndëshkimit direkt me të kuq të Curtis Jones, dhe dy kartonëve të verdhë të Diogo Jotas.