Klopp i brengosur që merkato në Arabinë Saudite mbyllet më vonë
Lexohet për: 1 min.
7-Klopp
1 vit më parë
Linku u kopjua

Trajneri i Liverpoolit, Jurgen Klopp thotë që nuk është mirë që merkato verore është tre javë më e gjatë në Arabinë Saudite se sa në Evropë.

Afati i fundit i klubeve evropiane për të kryer transferime këtë verë është 1 shtatori, ndërsa në Arabinë Saudite është data 20 shtator, raporton KosovaPress.

Kjo gjë nënkupton se klubet saudite mund të vazhdojnë transferimet e profilit të lartë të lojtarëve, ndërsa klubet evropiane jo.

“Është masive, momentalisht”, tha Klopp për ndikimin e Arabisë Saudite në merkato.

“Sigurisht, gjëja më e keqe është se merkato në Arabinë Saudite është tre javë më e gjatë. Nëse e kam mirë, kam dëgjuar diçka të tillë, atëherë në Evropë kjo nuk ndihmon. UEFA ose FIFA duhen të gjejnë zgjidhje për këtë gjë. Por në fund, në këtë moment, unë nuk e di se çfarë do të ndodhë saktësisht”, shtoi më tej Klopp.

Liverpooli veçse është ndikuar nga fakti i lojtarëve që po kalojnë në Arabinë Saudite, me Firminon që nënshkroi me Al Ahlin, Jordan Henderson që iu bashkua Al Ettifaq dhe Fabinho që u transferua te Al Ittihad.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025