Kështu e festoi Rrahmani titullin e kampionit me Napolin
Lexohet për: 1 min.
1 vit më parë
Linku u kopjua
Napoli festoi Scudetton e tyre të parë pas 33 vitesh me një festë të madhe në “Stadio Diego Armando Maradona”.
Lojtarët dhe trajneri Luciano Spalletti ishin në gjendje të qetësoheshin pasi fituan titullin e Serie A të enjten me një barazim 1-1 ndaj Udineses dhe nisën festën në shtëpi duke mposhtur Fiorentinën 1-0 me një penallti të Victor Osimhen, përcjellë KosovaPress.
Festa e lojtarëve në stadium ishte vetëm një paralajmërim i ngjarjes kryesore, një shfaqje spektakolare për fansat brenda fushës, duke përfshirë interpretime muzikore dhe filma nga fansat e famshëm të Napolit, si regjisori i vlerësuar me çmime Paolo Sorrentino dhe Edoardo Bennato.
Njëri nga lojtarët kyç të Napolit drejt këtij suksesi padyshim se ishte edhe qendërmbrojtësi kosovar Amir Rrahmani i cili ishte titullar i paprekshëm gjatë gjithë sezonit.
Ai u pa i ngazëllyer duke festuar para tifozëve, një arritje kjo historike nga një futbollist kosovar.
