Kështu duket supermakina shqiptare, çmimi i saj do të jetë deri në 1.7 milion euro

"ILLYRIAN TSX", është supermakina shqiptare e cila është shfaqet në ekspozitën 'TREDITECH' me seli në Torino të Italisë.

Duke shfaqur një dizajn magjepsës të frymëzuar nga prototipet e garave, 'TSX', mishëron parimet thelbësore të Arrera Automobili.

"Kryevepra është dizajnuar nga i njëjti dizajner që ka realizuar Porsche 9RE, aerodinamika efektive, drejtimi dinamik dhe trajtimi i përsosur." tha Qendrim Thaçi, themeluesi i Arrera Automobili.

Në një të ardhme të afërt edhe "ILLYRIAN TSX" - ja shqiptare do t'i bashkohet tregut të automobilëve luksozë.

Supermakina e re Illyrian Pure Sport do të ketë një motor 6.2 litërsh LT2 V8, me 840 kuaj fuqi.

Shpejtësia maksimale pritet të arrijë në 375 kilometra në orë.

Ai kohë më parë ka ëndërruar të krijojë super veturën e parë shqiptare dhe tani ia ka dalë të bëjë realitet ëndrrën e tij.

Illyrian Pure Sport do të jetë makina e parë me standarde ndërkombëtare që do të prodhohet në Shqipëri, ndërsa, çmimi i saj do të fillojë nga 1.2 milion euro deri në 1.7 milion euro – në bazë të specifikave.

Qendrimi është nga fshati Llapushnik i Komunës së Drenasit, i cili kishte emigruar me familjen e tij në Itali dhe ka jetuar atje për 15 vjet.

Ai kishte qenë gjithmonë adhurues i makinave që nga fëmijëria, por pavarësisht sfidave arriti që të prodhojë një makinë e cila tani pritet t’i bëjë konkurrencë edhe modeleve të njohura sikurse Lamborghini Aventador apo Ferrari 812 Superfast.

“Gjyshi më la amanet, që ta çojë këtë punë deri në fund”, pati thënë gjatë një interviste për mediat vendore.

“Nderin e kam mësu prej familjes time shqiptare, shqiptarët kanë nder shumë të madh. Ne punojmë shumë me nder. Për këtë arsye u ktheva në Kosovë, pasi që ne mund të bëjmë gjëra shumë të mira”.

Thaçi është i certifikuar në shkollën italiane për dizajne industriale e njohur si eAD, ndonëse më herët kishte qenë master i diplomuar për stomatologji. Ai ka qenë i përfshirë në projekte shumë të mëdha sikurse për brendet Ferrari dhe Lamborghini.

“Unë punoj bashkë me TREDITECH që prodhojnë makinat më të shpejta në botë”, ka pohuar ai.

Në vitin 2016 ai e kishte themeluar kompaninë Arrera e cila fillimisht ishte thjesht kompani jofitimprurëse, por që gjatë viteve e kishte bërë fitimprurëse.