KB Prishtina para ndeshjes me Trepçën: Marshojmë drejt finales
Lexohet për: 2 min.
1 vit më parë
Linku u kopjua
Sigal Prishtina dhe Trepça do të ballafaqohen të dielën në ndeshjen vendimtare për të siguruar vendin në finalen e madhe të këtij edicioni të Superligës së Kosovës në basektboll.
Pas katër ndeshjeve, rezultati është i barabartë ndërmjet këtyre dy skuadrave, ndërkohë që atmosfera para kësaj sfidë është jashtëzakonisht e nxehtë, sidomos pas polemikave për tentim për trukim të rezultateve që u nisën nga klubi bardh e kaltër si dhe duke vazhduar me sagën e ndryshimit të orarit dhe caktimit të tij nga ana e FBK-s për të dielën nga ora 17:15, raporton KosovaPress.
Tre ditë para kësaj sfide vendimtare, në faqen zyrtare të Sigal Prishtinës është postuar një mesazh ku bëhet thirrje që mbështetje nga ana e tifozëve për të krijuar një atmosferë të zjarrtë.
Ky është postimi në faqen zyrtare të klubit:
BESA BESË PËR PRISHTINË!
KB Sigal Prishtina - KB Trepça
Të dielën në Pallatin e Rinisë dhe Sporteve nga ora 17:15 luajmë ndeshjen e fundit gjysmëfinale ndaj Trepçës në kuadër të playoffit të Superligës së Kosovës. Në shtëpinë tonë, me atmosferën që vetëm tifozët tanë Plisat dinë ta bëjnë, marshojmë drejt finales!
