Një person, i cili ishte dënuar më herët me 3 vjet e 3 muaj burg për grabitje, por që nuk ishte duke e mbajtur atë, është arrestuar nga policia e Fushë Kosovës.

Pas kësaj ai u dërgua në vuajte të “ndëshkimit”.

“Policia e Rajonit të Prishtinës, po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Një nga këto operacione u realizua nga zyrtarët policorë të stacionit të Fushë Kosovës, të cilët arritën të arrestojnë personin e kërkuar për grabitje. R.B mashkull, i cili konform urdhëresës së gjykatës, është dërguar në vuajtje të dënimit (3 vite e 3 muaj burg)”, thuhet në një njoftim të policisë, të mërkurën.