Kanosën policët, arrestohen dy persona, një në Deçan e tjetri në Klinë
Drejtat Autoriale
Lexohet për: 2 min.
Dëgjoje me zë...
Kanosën policët, arrestohen dy persona, një në Deçan e tjetri në Klinë
Dy persona janë arrestuar në raste të veçanta, në Deçan dhe Klinë, nën dyshimin për sulm ndaj zyrtarëve policorë, ndërsa njëri prej tyre është dërguar në mbajtje edhe për posedim të paautorizuar të armës.
Sipas njoftimit të forcave të rendit, rasti i parë ka ndodhur të hënën pasdite në Deçan, ku një i dyshuar ka kanosur dhe sulmuar dy zyrtarë policorë pasi ata i kishin shqiptuar një tiketë për kundërvajtje. Gjatë arrestimit të tij, policia ka përdorur sprej. Dy pjesëtarët e rendit kanë pësuar lëndime të lehta trupore dhe kanë marrë trajtim mjekësor. Me vendim të prokurorit, i dyshuari është intervistuar dhe më pas është liruar në procedurë të rregullt.
Ndërkaq, rasti i dytë është regjistruar të hënën mbrëma në rrugën “Abedin Rexha” në Klinë. Sipas policisë, i dyshuari ka sulmuar zyrtarët, të cilët gjatë ballafaqimit dhe arrestimit kanë pësuar lëndime të lehta dhe kanë marrë trajtim mjekësor.
Gjatë kontrollit, tek i dyshuari është gjetur dhe konfiskuar një pistoletë me një karikator dhe nëntë fishekë. Pas intervistimit, me vendim të prokurorit, ai është dërguar në mbajtje. /KosovaPress/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
