Kapiteni i Anglisë, Harry Kane, ka hyrë në histori duke u bërë golashënuesi më i mirë i “Tre Luanëve” në historinë e Kupave të Botës.

Sulmuesi realizoi golin e tij të 11-të në këtë kompeticion gjatë fitores 2:0 ndaj Panamasë në fazën e grupeve të Botërorit 2026, duke lënë pas legjendën Gary Lineker, i cili kishte shënuar 10 gola.

Kane shënoi me kokë pas një asistimi të Jude Bellingham, ndërsa me këtë realizim regjistroi edhe golin e 82-të me fanellën e Anglisë. Sulmuesi i Bayern Munich tashmë është barazuar me Jürgen Klinsmann dhe Sándor Kocsis në listën e golashënuesve më të mirë në historinë e Kupës së Botës, me 11 gola secili.

Pas ndeshjes, Kane u shpreh i lumtur për rekordin e ri, duke theksuar se kishte besim se goli do të vinte.

“Ndihesha se po pozicionohesha mirë, por topi nuk po vinte te unë. Si sulmues, gjithmonë pret rastin tënd. Jude bëri një aksion fantastik dhe harkoi topin në mënyrë perfekte. Ishte kënaqësi ta shihja të përfundonte në rrjetë”, deklaroi Kane.

31-vjeçari mbetet gjithashtu në garë për të fituar për herë të dytë në karrierë “Këpucën e Artë” të Kupës së Botës, pasi aktualisht ndodhet pranë kryesuesve të listës së golashënuesve.

KosovaPress