Kryetari i Partisë Demokratike të Kosovës, Memli Krasniqi, ka thënë se Bedri Hamza është njeriu i duhur për të ringjallur ekonominë e vendit. Pas prezantimit të Hamzës si kandidat të PDK-së për kryeministër të Kosovës në zgjedhjet e ardhshme parlamentare, lideri opozitarë theksoi se do t’i japin Kosovës një drejtim të ri.

Krasniqi në konferencë për medie të mërkurën, duke kërkuar zgjedhje të parakohshme, tha se çdo ditë më tutje me modelin qeverisës të Albin Kurtit është e humbur për Kosovën. Sipas tij, Kosovës i nevojitet një qeveri që kryen punë, iu shërben qytetarëve dhe e mban fjalën. Në anën tjetër, kandidati i PDK-së për kryeministër, Bedri Hamza, tha se ka vizion të qartë për të ardhmen e vendit dhe se për fokus do ta ketë zhvillimin ekonomik.

Duke arsyetuar vendimin që Hamza të jetë kandidat i PDK-së për kryeministër, Krasniqi tha se i njëjti nuk nënkupton se ai si kryetar i partisë po e shmang një përgjegjësi, por sot Kosova ndodhet në udhëkryq për shkak të ekonomisë së rënduar e të stagnuar. Ndryshe, Qeveria Kurti ndodhet në vitin e tretë të mandatit të saj dhe nuk ka ende ndonjë datë konkrete për shkuarje në zgjedhje të parakohshme. /E.Zeqiri/

Lajmi i plotë në sistemin me parapagim.