Kamberi: Lugina e Preshevës duhet të jetë në agjendën e përbashkët Kosovë–Shqipëri
Lajme
Lexohet për: 2 min.
Dëgjoje me zë...
Kamberi: Lugina e Preshevës duhet të jetë në agjendën e përbashkët Kosovë–Shqipëri
Deputeti shqiptar në Parlamentin e Serbisë, Shaip Kamberi e ka publikuar rezolutën që Kuvendi i Kosovës ka miratuar për Luginën e Preshevës.
Ai tha se kjo rezolutë i është dorëzuar dy javë më parë kryeparlamentares, Albulena Haxhiu.
“Përtej dallimeve të brendshme politike, deputetët shqiptarë të Kuvendit të Kosovës u bashkuan njëzëri për të dëshmuar edhe një herë se Lugina e Preshevës zë një vend të veçantë në institucionet e Republikës”, ka shkruar ai në facebook.
Më tej, Kamberi ka uruar që një rezolutë e tillë të miratohet edhe në Kuvendin e Shqipërisë.
“Si përpilues dhe iniciues i kësaj Rezolute, në emër të të gjithë shqiptarëve të Luginës, shpreh mirënjohjen time ndaj Kryetares së Kuvendit të Republikës së Kosovës dhe të gjitha grupeve parlamentare për mbështetjen e dhënë. Uroj që kjo Rezolutë të miratohet edhe në Kuvendin e Republikës së Shqipërisë. Lugina e Preshevës duhet të jetë domosdoshmërisht pjesë e agjendës së përbashkët Kosovë – Shqipëri”, ka shtuar ai.
Kjo rezolutë e miratuar më 24 prill në Kuvendin e Kosovës, i bën thirrje qeverisë që të zhvillojë dhe të zbatojë politika të struktuaruara mbështetëse për komunitetin shqiptar në Preshevë, Medvegjë e Bujanoc.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
