Kadriu: I kemi përfunduar përgatitjet teknike dhe akademike për fillimin e vitit shkollor
Lexohet për: 2 min.
1 vit më parë
Linku u kopjua
Drejtoresha e Arsimit në Komunën e Mitrovicës, Drita Kadriu, ka folur për përgatitjet në aspektin teknik dhe akademik për fillimin e vitit të ri shkollor. Përjashtuar investimin në shkollën “Eqrem Qabej” dhe në “Bislim Imeri”, ajo ka thënë se të gjitha përgatitjet kanë përfunduar.
Kadriu ka thënë se është rritur buxheti për investime kapitale në sektorin e arsimit.
Ndërsa ka përmendur vështirësitë teknike në dy shkolla.
“Vështirësi teknike, i kemi edhe tri deri katër ditë që të përmbyllim investimin në shkollën ‘Eqrem Qabej’ dhe nyjet sanitare në shkollën ‘Bislim Imeri’ në Kqik, përndryshe të gjitha përgatitjet, me staf akademik, me personel, i kemi të gatshëm që nesër të fillojnë vitin shkollor”, ka thënë ajo në një konferencë për media.
Kadriu ka thënë se këtë vit e kanë shpallur moton “Lexojmë dhe shkruajmë për të kuptuar”.
Ajo ka thënë se këtë vit e kanë funksionalizuar komisionin për vlerësimin e fëmijëve me nevoja të veçanta ku sipas saj janë rreth 46 fëmijë.
Gjithashtu ka thënë se kanë funksionalizuar komisionet për braktisjet, duke theksuar se kanë aprovuar kodin e etikës, mirësjelljes dhe veshjes së mësimdhënësve.
