Me 18 viktima të tjera, numri i të vdekurve nga shirat e dendura dhe përmbytjet në Afganistan ka arritur në 400, thanë autoritetet të shtunën.

Të paktën 18 persona humbën jetën nga përmbytjet në provincën Faryab në kufirin me Turkmenistanin, ndërsa numri i viktimave nga përmbytjet e shkaktuara nga shirat e dendura në provincat veriore javët e fundit arriti në 400, tha zëdhënësi i guvernatorit Faryab, Ismetullah Muradi për Tolo News.

Javën e kaluar, përmbytjet e mëdha në provincat Baghlan, Badakhshan dhe Takhar rezultuan në humbje të mëdha.

Në Afganistan, shkrirja e borës gjatë muajve të dimrit për shkak të rritjes së temperaturave, së bashku me reshjet e dendura dhe infrastrukturën e papërshtatshme, çon në përmbytje, duke shkaktuar humbje jete dhe prona. Qindra njerëz vdesin çdo vit në vend për shkak të këtyre fatkeqësive. /AA