Itali: “Eko-vandalët” do të gjobiten deri 60 mijë euro
Të ashtuquajturit eko-vandalë do të gjobiten deri në 60.000 euro sipas një projektligji që u bë ligj të enjten.
Aktivistët e klimës kanë sulmuar disa monumente të njohura në Itali vitet e fundit. Ligji synon të ndalojë këtë formë proteste, duke vendosur gjoba nga 20-60 mijë euro për këdo që e dëmton trashëgiminë kulturore.
Një gjykatës të mërkurën paditi tre anëtarë të grupit klimatik të ‘Italy’s Ultima Generazione’ (Gjenerata e fundit e Italisë) për spërkatje me ngjyrë mbi skulpturën L.O.V.E. të Maurizio Cattelan në Milano një vit më parë.
Kjo është pjesë e një serie të gjatë aktesh të diskutueshme të mosbindjes civile që ky grup ka organizuar për të tërhequr vëmendjen ndaj emergjencës klimatike, duke përfshirë disa raste të bllokimit të trafikut dhe hedhjes së ngjyrës mbi mburojat mbrojtëse të veprave të artit dhe monumente të famshme. /ANSA
