Partia Demokratike e Kosovës ka kërkuar nga Qeveria Kurti dhe Zyra e Rregullatorit të Energjisë që në mënyrë të menjëhershme të fillojnë urgjentisht procesin e uljes se çmimit të faturave të energjisë elektrike, si dhe të mbajnë përgjegjës para ligjit të gjithë akterët që kanë abuzuar me këto situata në sektorin e energjisë.

Në një konferencë për media, nënkryetari i Partisë Demokratike të Kosovës, Uran Ismaili ka thënë se dyfishimi i çmimit të faturave të rrymës, i ka rënduar qytetarët në këtë kohë ku po përballën edhe me rritje të çmimeve te produktet esenciale.

Sipas Ismailit, kur 19 për qind e familjeve në vend jetojnë nën pragun e varfërisë, është e padrejtë të bëhet ky manipulim me çmime.

Ai shtoi se politika e qeverisë për t’i ndihmuar pensionistët dhe fëmijët me nga 100 euro, po dëshmohet se kanë qenë mjete të ndara për KEDS-in.

Sipas tij, ky dyfishim i çmimeve është i pa bazë, ndërsa ka shtuar se ambasadori i  Kosovës në Slloveni, Martin Berishaj është përfshirë në skandalin më të madh rajonal të tregtimit të energjisë dhe shpëlarjes së parave.

Ai po ashtu ka kritikuar Qeverinë Kurti se nuk ka ndërmarrë asnjë veprim për ndërtimin e kapaciteteve të reja prodhuese të energjisë, teksa ka ndarë 113 milionë euro për t’ua paguar serbëve rrymën në veri. /KosovaPress/

Lajmi i plotë në sistemin me parapagim.