Ish-dadoja e Kourtney Kardashian tregon pse e la punën
Ish-dadoja e Kourtney Kardashian ka folur për arsyet pse e la punën.
Leah Barr postonte shpesh video të tre fëmijëve të Kardashian nga lidhja e saj me Scott Disick.
Tashmë dadoja ka bërë të ditur se po lë punën me një familje të famshme. Në një video të postuar në TikTok, ajo njoftoi se po largohej sepse ishte gati për rolin e saj të radhës.
“Nuk kam nevojë të shpjegoj, por dua të shkoj më tej. Nuk punoj më për familjen për të cilën punoja thjesht sepse isha gati për një pozicion si asistente personale dhe Kourtney tashmë e ka të sajën”, tha ajo.
Ajo ka shpjeguar gjithashtu se tani po bën punën që donte dhe se ka vetëm fjalë të mira për të thënë për kohën që ka kaluar duke punuar për Kardashian.
“Ishin vitet më të bukura të jetës sime. I dua dhe shpresoj të jenë gjithmonë në jetën time”, thotë ajo për familjen e njohur.
Barr zbuloi gjithashtu se si e mori punën me Kardashian me rekomandimin e priftit të saj, dhe jo përmes një agjencie, shkruan Your Tango.
