Simone Inzaghi sapo ka mbërritur në selinë e Interit për t'u takuar me pronarët e rinj të klubit.

Është një ditë shumë e rëndësishme për Interin pasi trajneri i “Nerazzurrëve”, Inzaghi, takon për herë të parë pronarët e rinj, raporton KosovaPress.

Fondi amerikan Oaktree mori kontrollin e kampionit të Serie A javën e kaluar pasi Steven Zhang dështoi të shlyente një borxh prej afro 400 milionë eurosh, përfshirë interesat.

Sipas “Corriere dello Sport”, të dy palët do të diskutojnë menjëherë strategjitë e transferimit për këtë verë, ndërsa “Tuttosport” pretendon se takimi i sotëm do të përdoret vetëm nga përfaqësuesit e Oaktree për t'u prezantuar.

Sipas “Sky Sport Italia”, anëtarët e Oaktree që takohen sot me Inzaghin janë Katerine Ralph dhe Alejandro Cano.

⚫️? Simone #Inzaghi è arrivato in sede #Inter. Il tecnico nerazzurro incontrerà la nuova proprietà Oaktree, rappresentata da Alejandro Cano e Katherine Ralph, insieme alla dirigenza.

? @ivanfcardia pic.twitter.com/PKTFGyOlN6

— TUTTOmercatoWEB (@TuttoMercatoWeb) May 28, 2024