Inter-Benfika, formacionet e mundshme
Lautaro Martinez rikthehet në formacionin startues të Interit kundër Benfikës pasi shënoi katër gola duke u inkuadruar si zëvendësues kundër Salernitanas të shtunën.
Skuadra e Simone Inzaghit barazoi 1-1 në ndeshjen e parë kundër Real Sociedad dy javë më parë, ndërsa Benfika humbi nga RB Salzburg.
Interi sonte është pa të lënduarit Marko Arnautovic, Davide Frattesi dhe Stefano Sensi. Ky i fundit nuk do të ishte gjithsesi i disponueshëm, duke qenë jashtë listës së UEFA-s të Interit.
Golashënuesi më i mirë i Serie A, Lautaro, do të rikthehet në 11-shen e Interit pas paraqitjes së tij mahnitëse gjatë fundjavës së kaluar, ku ai shënoi katër gola në 27 minuta si zëvendësues kundër Salernitana-s, përcjellë KosovaPress.
Inter-Benfica, formacionet e mundshme
Inter (3-5-2): Sommer; Darmian, Acerbi, Bastoni; Dumfries, Barella, Calhanoglu, Mkhitaryan, Dimarco; Lautaro, Thuram.
Benfika (4-4-1-2): Trubin; Bah, Morato, Otamendi, Aursnes; Kökçü, Neves; Di Maria, Rafa Silva, Joao Mario; Musa.
