Në Fakultetin e Mjekësisë sot është lansuar Instituti i Farmacisë, i cili po konsiderohet një hap i rëndësishëm për forcimin e arsimit të lartë dhe avancimin e sektorit shëndetësor në vend. Ky institut si detyrë të rëndësishme pritet ta ketë garantimin e cilësinë së barnave për pacientët.

Ministri i Arsimit, Shkencës, Teknologjisë dhe Inovacionit, Hajrullah Çeku e cilësoi këtë si një moment shumë të rëndësishëm për Universitetin e Prishtinës dhe për zhvillimin e arsimit të lartë në vend.

 Ai theksoi se kjo nuk është vetëm një hap organizativ, por një forcim i lidhjes mes arsimit, profesionit dhe nevojave reale të shoqërisë.

Rektori i Universitetit të Prishtinës “Hasan Prishtina”, Arben Hajrullahu nëse asgjë tjetër, ky institut duhet të garantojë që në vendin tonë të sigurohet cilësia e barnave dhe të jetë në shërbim të publikut.

Ai theksoi se instituti ka potencial të jashtëzakonshëm që të kontribuojë në zhvillimin e mëtejshëm për përmbushjen e misionit të këtij universiteti.

Dekani i Fakultetit të Mjekësisë pranë Universiteti të Prishtinës, Sefedin Muçaj shprehu gatishmërinë e institucionit arsimor që udhëheqë ai për zhvillimin e arsimit dhe shëndetësisë në vend.

 Ai vuri në pah rëndësinë e Institutit të Farmacisë si një hap i rëndësishëm për forcimin e kërkimit shkencor, lidhjen mes teorisë dhe praktikës, si dhe përmirësimin e cilësisë së studimeve.

Drejtoresha e Institutit të Farmacisë, Pranvera Breznica-Selmani deklaroi se sot po shënohet institucionalizimi i një vizioni që synon ta lidh ngushtë akademinë dhe praktikën profesionale.

/Kosovapress/