Zlatan Ibrahimovic beson se Antonio Conte është njeriu i duhur për ta zëvendësuar Stefano Piolin, por krerët e Milanit janë të bindur me Thiago Mottan e Bolognas.

Pioli pritet që të shkarkohet nga pozita e trajnerit në fundit të këtij sezoni, pas eliminimit në Ligën e Kampionëve dhe humbjes së hapit për titull të Serie A këtë sezon, raporton KosovaPress.

Ndërsa ende nuk është marrë një vendim, shumë tifozë të Milanit besojnë se kohës së Piolit duhet t’i vjen fundi, edhe pse ai e udhëhoqi klubin drejt Scudettos para dy viteve.

Siç bëhet e ditur nga Daniele Longo i “Calciomercato.com”, Milani beson se Thiago Motta është kandidati më serioz për ta zëvendësuar Piolin në verë.

Milani e ka ndjekur punën e trajnerit italiano-brazilian në Bologna prej muajsh tani dhe vlerëson aftësinë e tij për të zhvilluar lojtarë të rinj, stilin e tij sulmues, por të balancuar të lojës dhe aftësitë e tij menaxhuese.

Thiago Motta po bind gjithnjë e më shumë Milanin se ai është njeriu i duhur për këtë punë, por ish-sulmuesi Zlatan Ibrahimovic është ende duke shtyrë për Conten, duke dashur që ish-trajneri i Chelseat dhe Italisë të jetë në krye të “Rossonerëve”.