Raportet në Itali sugjerojnë se CEO i RedBird Gerry Cardinale do të marrë pjesë në ndeshjen e Milanit në Serie A kundër Venezia në ‘San Siro’ të shtunën, por këshilltari Zlatan Ibrahimovic nuk pritet të jetë i pranishëm për ndeshjen e dytë radhazi.

Sipas raporteve nga “Calciomercato”, Cardinale u kishte dërguar një mesazh motivimi lojtarëve përmes shefit Giorgio Furlani përpara barazimit 2-2 kundër Lazios. Tani, ai dëshiron të tregojë mbështetjen e tij duke marrë pjesë personalisht në ndeshjen e ardhshme.

Raporti i së enjtes në mbrëmje pretendon, megjithatë, se këshilltari i RedBird Ibrahimovic nuk ka gjasa të jetë në tribuna të shtunën, përcjellë KosovaPress.

Ai gjithashtu humbi ndeshjen me Lazion për shkak të një përplasjeje në programin e tij, i cili thuhet se ishte rezervuar shumë kohë përpara se të dilnin ndeshjet, megjithëse raporte të tjera pretendonin se ai ishte me pushime.

Çuditërisht, raportet më herët të enjten sugjeruan se tensioni kishte filluar të shfaqej midis RedBird dhe Ibrahimovic.

Ibrahimovic është akuzuar se ka shpenzuar më shumë kohë duke parë djalin e tij duke u stërvitur në Vismara Sports Center në krahasim me ekipin e parë në Milanello.

La Repubblica la të kuptohet gjithashtu për një grindje të vogël midis Ibahimovic dhe Ignazio Abate, dhe klubi gjithashtu nuk ishte i kënaqur nga veprimet e tij në një video në internet me YouTuber iShoëSpeed.