Një grua ka humbur jetën të dielën pasdite pasi është goditur nga një veturë. Sipas Policisë së Kosovës, aksidenti me fatalitet ka ndodhur rreth orës 20:50 në Suharekë.

Policia njofton se është arrestuar e dyshuara femër, pasi që dyshohet se e njëjta derisa ka qenë duke drejtuar veturën, nga pakujdesia dhe mos përshtatja e shpejtësisë së lëvizjes, ka goditur këmbësoren.

“Është arrestuar e dyshuara femër kosovare, pasi që dyshohet se e njëjta derisa ka qenë duke drejtuar veturën, nga pakujdesia dhe mos përshtatja e shpejtësisë së lëvizjes, godet këmbësoren viktimën femër kosovare. Si pasoj e njëjta ka pësuar lëndime trupore dhe është dërguar në Spitalin e Prizrenit, ku mjeku kujdestar ka konstatuar vdekjen e saj. Me vendim të prokurorit trupi i pa jetë dërgohet në IML për obduksion , ndërsa e dyshuara dërgohet në mbajtje”, thuhet në raportin 24 orësh të policisë.