Hoxhaj i reagon Kinës pas armatimit: Serbia e sheh veten si satelit i Kinës e Rusisë në Ballkan
Ish-ministri i Jashtëm i Kosovës Enver Hoxhaj i ka reaguar Ministrisë së Jashtme të Kinës, pas dërgesës së armatimit kësaj të fundit për në Serbi.
Hoxhaj, përmes një shkrimi në Twitter ka thënë se armatimi i Serbisë si dhe bashkëpunimi politik dhe diplomatik me Kinën dhe Rusinë tregon se për Serbinë, partneriteti strategjik me regjimet autokratike është më i rëndësishëm se integrimi në BE dhe stabiliteti rajonal.
"Armatimi i Serbisë si dhe bashkëpunimi politik dhe diplomatik me Kinën dhe Rusinë tregon se për Serbinë, partneriteti strategjik me regjimet autokratike është më i rëndësishëm se integrimi në BE dhe stabiliteti rajonal. Serbia e sheh veten si një satelit i Kinës dhe Rusisë në Ballkanin Perëndimor", ka shkruar Hoxhaj.
Nënkryetari aktual i Kuvendit të Kosovës, Enver Hoxhaj më herët ka reaguar për këtë dërgesë të armatimit nga Kina në Serbi dhe ka thënë se kjo përbën kërcënim serioz veçanërisht për Kosovën.
--
