Nënkryetari i Kuvendit të Kosovës, Enver Hoxhaj deklaroi se Bashkimi Evropian dhe ndërmjetësuesit e dialogut janë fshehur pas aktit të agresionit në Banjskë të Zveçanit të ndodhu më 24 shtator. Sipas tij, nuk ka proces politik për të kthyer institucionet në veri të vendit dhe vizion diplomatik që partnerët ndërkombëtarë të vendosin sanksione mbi Serbinë.

Kështu u shpreh Hoxhaj pas mbledhjes së kryesisë së Kuvendit të Kosovës, ku u shpreh se vendi vazhdon të mbetet nën sanksionet e BE-së, për çka nuk mund të pranohen as të hollat nga marrëveshjet ndërkombëtare. Teksa foli për sulmin e 24 shtatorit, Hoxhaj u shpreh se BE është fshehur nga ajo ditë.

Pas mbledhjes së Kryesisë së Kuvendit të Kosovës, ai tha se është detyrë e kryeministrit që të jap llogari para Kuvendit të Kosovës.

Deputeti i Partisë Demokratike të Kosovës, Enver Hoxhaj shtoi se Kosova vazhdon të mbetet nën sanksione edhe pas sulmit të 24 shtatorit. Sipas tij, qeveria do të duhej që të bind partnerët për sanksione ndaj Serbisë. 

Pas mbledhjes së kryesisë, Hoxhaj u pyet edhe dorëheqjen e kryetarëve në veri të vendit.

Hoxhaj tha se PDK nëse do të ishte në pushtet, 24 shtatorin do ta përdorte si moment kthese për ta përmbyllur shtet ndërtimin e Kosovës.

Hoxhaj konsideroi se Qeveria Kurti e ka prishur konsensusin e brendshëm për dialog dhe atë ndërkombëtar në raport me Kosovën. /Sh.Pajaziti

Lajmi i plotë në sistemin me parapagim.