“Hidrodrini” në Pejë diskriminon banorët e disa fshatrave për reduktimet e ujit
Lexohet për: 2 min.
1 vit më parë
Linku u kopjua
K.R.U “Hidrodrini” në Pejë po bën diskriminim ndaj banorëve të disa fshatrave të komunës së Pejës me vendimin e ri për reduktimet e ujit, ndërkaq jo të gjitha fshatrave po ju ndalon ujin.
Asamblisti i AAK-së në Pejë, Naim Bytyqi ka thënë për KosovaPress se në fshatin Gorazhdevc i banuar me serbë nuk është duke u respektua fare vendimi për ndalim të ujit.
“Në Gorazhdevc ka ujë për fontana, ka ujë për ujitjen e oborreve, ndërsa në fshatrat tjera nuk ka asnjë pik ujë, nga ora 17:00–05:00”, theksoi ai.
Ai tha se: "Disa fshatrave të Komunës së Pejës po ju bëhet diskriminim nga ana e K.R.U Hidrodrini në Pejë, pasiqë pas vendimit për reduktimin e ujit fshati Gorazhdevc vazhdon të ketë ujë, ndërsa fshatrat tjera të banuara me shqiptarë nuk kanë ujë, edhpse në vendimin e "Hodrodrini" shekruan që është i përfshirë edhe fshati Gorazhdevc në reduktime".
Sipas tij, pa ujë kanë mbetur: Dardania-3, Orashë, Poçestë, Millovanc, Vragoc, Babiq, Krestovc, Qyshk, Zahaq, Llabjan, Nakell, Pavlan, Nabergjan, Trestenik, Treboviq, Lutugllav, Ramun, Bllagaj, Ruhot, Leshan, Kliqin, si dhe Sferk.
“Në këto fshatra ka shumë pleq të semurë, ka shumë bashkatdhetarë që kanë ardhur në vendlindje, dhe ujë ju duhet tash ma shumë se kurrë”, thotë ai.
Bytyqi ka thënë se do ta ndjek këtë çështje deri sa të ketë barazi për të gjithë.
Pas reagimit të asmableistit Naim Bytyqi, "Hidrodrini" në Pejë heqi vendimin nga faqja e vetë zyrare.
